حبيبي يا ربيع الروح نسيم القلـــــــــب وشعوره
من اللهفه اجيك بشوق صوبك قاصــــــــدٍ عاني
أحبك وش تبي تعرف معاك الصـــــــــوت والصوره
ومعاك أنسى عجاج الوقت همي لحظة أحزاني
رسايل كنت اكتبها قصايد جد مكســـــــــــــــوره
اطرشها لجل تعرف بان القلــــــــــــــــب والهاني
تحديت القوافي يوم خط القلــــــــــــب بسطوره
وتحديت الزمن لجلك تحديته و تحدانـــــــــــــــي
أجيك بلهفت المشتاق كأن الروح مسحـــــــوره
أحبك اه لو تدري عساك بعيشتك هانــــــــــــي
أنا ما همني غيرك ولا هالوقت وقصـــــــــــــــوره
انا لي جيت بتكلم دعيت الله تهوانـــــــــــــــــي
أحبك من زمن لول قبل ما تنبت زهـــــــــــــــوره
لانك أنته الاول ولا بعدك ابد ثانــــــــــــــــــــــــــي
حروف الشعر اكتبها خفيه وشي منشـــــــــوره
من الاشواق ابنيها من الاحساس واشجانــــي
حبيبي يا حلو سلوبك تواضع يمسح غــــــروره
احبك كثر ما تنطق تقول انك تمنانــــــــــــــــــي
عيوني ان شكت بعدك ترى والله معـــــــــــذوره
مع اني عايش بعالم احس بقلب وحـــــــــداني
دخلت بعالمك ادري دخلت بعشق وبحـــــــــوره
تعنى القلب من حبك وصرت بفعله الجانــــــــي
حبيبي يا جمال الكون يانورٍ وسط نـــــــــــــــوره
قمر من حسنك الاسر سكن في سـط وجداني
أحبك يا غلا عمري يا ريح العود وعطــــــــــــــوره
طلبت ارضاك لو يزعل من الاقراب خــــــــــــلاني
كتبت الشعر من أجلك قصايد حب منثــــــــــوره
يا اغلى من غلى روحي وأغلى حر بوطــــــاني